BR LA UNION – Maysa a 30-anyos a lalaki a Pilipino ti nasugatan iti sakana kalpasan a natirwan ti missile impact idiay ili ti Arad idiay Israel, a paset ti mapapati a panagraut ti Iran, segun iti Philippine Embassy.
Dagus a naiturong idiay Soroka Medical Center ken manamnama a rumuar met laeng iti ospital kalpasan ti pannakaagas iti sugatna.
Segun iti embahada, sinarungkaran ti rapid reaction team iti nasugatan a Pilipino ken dadduma pay a kailian idiay Arad ken Dimona, a ti sumagmamano nga apartment ket nagpasar ti partially damaged.
Nagiwarasda pay kadagiti food pack ken nangipaay iti tulong.
Dadduma a Pilipino ket maiyakar iti temporary accommodation idinto a dagiti dadduma ket nagdagus iti hotel nga asideg iti Dead Sea.
