Nangisayangkat ti Provincial Health Office (PHO)- Disaster Risk Reduction and Management in Health (DRRM-H) Core Team Members, kadua dagiti Facility-level DRRM-H Managers ken dagiti focal person ti PGLU-operated hospitals, iti maysa nga Emergency Readiness Assessment kadagiti amin a Primary Care Facilities (PCFs) ken Provincial Government-Operated Hospitals idi Hunyo 18-30, 2026.
Daytoy nga addang ket kas panagsagana ti Gobierno Probinsial ti La Union kadagiti didigra a mabalin a mapasamak ita a panawen ti panagtutudo, maitunos iti Provincial Executive Order No. 27, s. 2026, nga addaan panggep a papigsaen iti emergency preparedness ken response capacity.
Nainget a nasukimat ti kinasagana iti emerhensia ken response capacity ti tunggal pasilidad tapno maamuan dagiti posible a gaps kadagiti supplies, equipment, systems ken workforce capacity.
Nausar ti DOH-aligned Emergency Readiness Checklist para iti panangbukel ti evidence-based data para iti planning, procurement, ken corrective action dagiti pasilidad maitunos iti Universal Health Care (UHC), DOH-Health Emergency and Disaster Risk Management (DOH-HEDRM), ken provincial health system policies and frameworks ti probinsia.
Agserbi a basaran dagiti nakalap a rating ken komprehensibo a gap analyses para iti epektibo a panagplano, panangitukon ti badyet, ken panangipatungpal ti corrective action.
Babaen dagiti nasao a rekomendasion, panggep ti PHO nga idalan dagiti local governmend units agturong iti dagos a panangpasayaat ken napaut a kinatibker para iti tawen 2026–2028.###
