Nagdesisyon ti Constitutional Court ti South Korea nga isubli ti Prime Minister a ni Han Duck-soo kas acting president kalpasan nga ibasura ti impeachment case kontra kenkuana.
Manipud iti desisyon ti korte, pito kadagiti walo a mahistrado ket kimmontra iti impeachment ni Han.
Segun met kadagiti lima a justices, ti impeachment motion kontra kenni Han ket valid, ngem awanan ti umdas nga basaran tapno mapaikkat iti puwesto agsipud ta saan na met a nilabsing ti konstitusyon wenno paglintegan ti South Korea nga adda ti pakainaigan na ti deklarasyon ti martial law wenno posible nga insurrection.
Kabayatanna, napagdesisyonan met dagiti dua a justices as ti impeachment motion kontra kenni Han a nakatugaw kas acting president idi ket invalid ab initio gapo ta saan a naipasa ti parliament ti mosyon kalapasan a saan a magun-od iti botos a two-thirds kadagiti mamanday-linteg.
Maipalagip a ni Han ti nangsukat kenni Yoon Suk-yeol ngem dua a lawas paylaeng ti panag-akem na ket naimpeach isuna a dagos ken nasuspindir idi Disyembre 27, 2024 gapo iti kontribusyon na ti deklarasyon ti martial law ken panagkedked ti panangidutok kadagiti tallo a justices ti Constitutional Court nga agdesisyon met ti pannakaikkat ni Yoon.
Gapo iti dayta ket inakusaran isuna ti opposition iti panagharang ti impeachment trial ni Yoon nga isu ket kaalyado na iti politika.
