BR LA UNION – Natalged a simmangpet ken nangrugin nga agtrabaho idiay South Korea iti pakabuklan a 243 a seasonal workers a naggapo iti ili a Bauang, La Union.
Daytoy ket buklen ti 120 a mangmangged a nagturong idiay Taebaek City tapno agtrabaho ken tumulong iti sektor ti agrikultura.
Idi Mayo 8, 2026 pakabuklan nga 66 a seasonal workers iti nagbiyahe ken naipatulod idiay Taebaek City, South Korea bayat a 56 met ti naipatulod idiay Jeongseon County idi May 11, 2026.
Sakbay a nagluas dagiti mangmangged, nangipaay pay nga umuna ti mensahe ni Mayor Bong Lee, para kadakuada ken iti pamilya da a mabati.
Manamnama a manayunan pay ti nasao a bilang dagiti maipatulod a mangmangged iti sumarsaruno a lawas wenno bulan.
Dagiti kuwalipikado a mangmangged a maipatulod idiay South Korea ket kasapolan a makapasa iti assessment ken Basic Korean Language and Culture training, kas panagsagana iti agbalin a trabaho dagitoy sadiay.
Daytoy a programa ket inisyatibo ti lokal a gobyerno ken Department of Migrant Workers agraman ti dadduma pay a sanga ti ahensiya tapno maipaayan ti oportunidad dagiti mangmangged a makapastrek ti dakdakkel a kantidad para iti pagsayaatan ti pamilya dagitoy.
