Ad-adda a nag-strikto iti seguridad dagiti otoridad ita nga umadanin iti kaunaan a parliamentary elections idiay Bangsamoro Autonomous Region in Muslim Mindanao (BARMM).
Segun kenni Philippine National Police (PNP) Public Information Office chief Police Colonel Allen Rae Co, nakapangaton iti full alert status iti Bangsamoro Region, nangrugi idi Setyembre 11 nga agpaot agingga Setyembre 30.
Babaen kadaitoy a sistema ket nasken nga adda kadagiti bukod dan a ‘place of assignment’ ti 100% kadagiti pulis, nu sadinno ket dumanon iti 10,439 dagiti tropa a nakadutok iti rehiyon.
Agtultuloy iti panagbantay ken panaggun-od iti impormasyon seknan kadagiti grupo a posible a mangpartuat iti riribuk kabayatan iti eleksyon.
Iti agdama ket dumanon ti 27 a lugar iti nakapaisidong ti red category: 21 sadiay Lanao del Sur, tallo idiay Maguindanao del Sur, ken tig-maysa sadiay Maguindanao del Norte, Basilan, ken Special Geographic Area.
