Ituloy ti Philippine National Police (PNP) iti fact-finding review kadagiti report ti extrajudicial killings (EJKs) ken dadduma pay a mainaig nga insidente.
Kasaruno daytoy iti direktiba ti Department of the Interior and Local Government (DILG) tapno masigurado ti naan-anay a pannakasukimat kadagiti sigud nga operational reports, nangruna idi panawen a nagserbi ni Senador Ronald “Bato” Dela Rosa kas Davao City Police Director.
Pinasingkedan ni PNP Chief General Jose Melencio Nartatez Jr. a mangipaulog ti Criminal Investigation and Detection Group (CIDG) kadagiti subpoena kadagiti karaman nga indibidual tapno pormal a mangipaay ti impormasion a makatulong iti imbestigasion.
Kadua ti CIDG iti Directorate for Investigation and Detective Management ken PNP Legal Services tapno masigurado a nainkalintegan, naurnos, ken naibasar iti ebidensia ti imbestigasion.
Inlawlawag ti PNP a dagiti subpoena ket saan nga arrest warrants no diket legal nga instrumento laeng tapno makaala ti impormasion ken mangipaay ti panangilawlawg kadagiti reports.###
