BR LA UNION – Nagtaripnong da Commission on Elections Chairman George Erwin Garcia ken Philippine National Police Chief PGen. Rommel Francisco Marbil kadwa da ti dadduma pay a nangangato nga opisyal ti PNP idiay Camp Crame.
Segun kenni Comelec Chair Garcia, iti security briefing ket naisentro laeng iti peace and order situation ditoy pagilian ken dagiti loopholes ken adjustments ita nga election period.
Maipagarop a dackel iti posibilidad a maaddaan ti panagbaliw iti categorization ken classification dagiti 38 nga areas of concern ditoy pagilian.
Saan nga imbaga ti PNP nu manayunan pay ti bilang dagiti areas of concern wenno makissayan agsipudta innem pay a rehiyon iti saan pay a nakapag-submit ti report tapno madetermina ken maaddaan ti assessment iti kasasaad ti pagilian.
Kabayatanna, imbaga ni Garcia a nakitaripnong da iti PNP tapno pagsaritaan dagiti nbinukel da a task force nangruna ti task force kontra vote buying.
