Makalawasen ti napalabas ngem arigna naatap pay laeng ti hustisya iti napasmak nga ambush iti ag-ama a Mayor Aleli ken Vice Mayor Al-Fred Concepcion idiay Balaoan, La Union.
Iti insayangkat a press conference ni Provincial Board Member Carlo Concepcion, kinuna na a mabunbuntoganda iti ar-aramiden nga imbestigasyon dagiti otoridad maipapan iti pasamak.
Segun kenni Board Member Concepcion, mamatida a ti motibo iti napsamak nga ambush iti ama ken kabsat na ket politika no sadino masmasdaaw dagitoy nga agingga iti agdama ket awan pay ti inruruar nga person of interest iti kapulisan.
Kabayatan na, arigna maburburtsaanda no apay a maipagarop nga saan a kayat nga ipakita dagiti otoridad kadakuada iti progress report ti Special Investigation Task Group (SITG) idinto nga isuda iti pamilya dagiti nagbalin a biktima.
Iti sabali a bangir, ikukonsiderada iti panagsirrek ti National Bureau of Investigation tapno mas mapapartak pay ti imbestigasyon iti napasamak nga ambush a nakatayan ni Vice Mayor Concepcion ken ti body guard a ni Michael Ulep.
