LA UNION -Insingasing ni Pol. Supt. John Guiagui, agdama chief-of-police ti San Fernando City PNP, iti panangipatungpal ti “discipline road” manipud Barangay Pagdalagan ditoy syudad agingga idiay ili ti Burgos, La Union.
Nairanta daytoy tapno mapalag-anan iti taray ti trapiko ken maliklikan dagiti aksidente iti kalsada.
Kaipapanan daytoy nga awan iti ag-parking, awan ti ambulant vendor, awan ti ag-iinom, awan to obstruction kadagiti igid ti kalsada.
Imprisintar ni Col. Guiagui iti proposal na kabayatan ti naisayangkat a Road Safety Summit idi kalman nga indaulwan mismo ti PNP San Fernando.
