LA UNION – Inaklon ni PC/Supt. Romulo Sapitula, agdama a regional director ti PRO-1, a maibilang a dackel a karit iti panangmantinir iti rehiyon kas Best Regional Office iti intero a pagilian.
Daytoy ket kalpasan a naitandudo iti PRO-1 kas Best Regional Office iti intero a pagilian idi tawen 2017.
Kagiddan iti panag-bisita ni Sapitula kadagiti istasyon ti pulisiya iti sapasap a rehiyon uno, iti panangallokoy na metten kadagiti pulis a makitinnulong kadagiti naduma-duma a programa a mangpatalinaed iti nasao a pammadayaw.
Kabayatanna, naamwan ti Bombo Radyo La Union a pinadayawan idi kalman ti PRO-1 dagiti police personnel a nakaited ti kontribusyon iti nagun-od a balligi ti PNP iti rehiyon.
