Nangitukon ni Pope Leo XIV iti pauna nga emergency aid nga aggatad ti €100K wenno nasurok-kumurang $114K para kadagiti biktima ti dua a napipigsa a panagdayeg idiay Venezuela.
Segun iti Vatican, agtaud iti pondo sadiay Apostolic Almonry, ahensya a mangimatmaton kadagiti humanitarian programs para kadagiti agkasapulan a komunidad.
Daitoy a gatad ket pauna paylaeng a tulong para iti madagdagos a relief ken rescue operations.
Maipalagip a nadayeg ti Venezuela kadagiti dua a nagsaruno a ginggined nga adda kapigsa a magnitude 7.2 ken 7.5.
Nagresulta daitoy iti 164 a natay bayat nga agtultuloy paylaeng ti search and rescue operations kadagiti apektado a lugar kasta met iti panagadal ti kalawa iti perdisyon na ti imprastraktura ken pagbiagan.
Nangipadanon metten ti tulong dagiti nagduduma a pagilian ken organisasyon, pakairamanan ti Cuba, Iran, Italy, Estados Unidos, ken European Union.
