Dinayaw ni Pope Leo XIV iti gobierno da King Felipe VI ken Queen Letizia sadiay Royal Palace, Madrid, Spain kabayatan ti panagbetla na para iti panagkontra ti gyera ken panagsuporta kadagiti migrants.
Segun pay kenkuana, aktibo iti Espanya ti panangitandudo iti sangalubongan a kinakapia.
Manipud iti pito nga aldaw a panagbisita ti Santo Papa ket makidangadang isuna kadagiti biktima ti sexual abuse iti uneg ti Simbaan Katolika kasta met a kitaen na ti kasasaad dagiti migrants iti nasao a pagilian.
Mainaig kadaitoy ket karaman metlaeng ni Spain Prime Minister Pedro Sanchez kadagiti kimmontra panagraut ti Estados Unidos ken Israel idiay Iran.
