Temporario a naruk-atan ni retired Philippine Air Force Major General Romero Poquiz kalpasan a makapiansa ti ₱48,000 para iti kaso nga inciting to sedition nga impila kenkuana ti Quezon City Regional Trial Court Branch 77, gapu dagiti maipagarup a panangallukoy ti rebellion ti United People’s Initiative ken panangibabawi ti suporta iti Commander in Chief iti Armed Forces of the Philippines (AFP).
Inlawlawag ni Poquiz a saan da nga intadudo iti aniaman a seditious a panagtignay tapno tinnagen iti agdama nga administrasion, ken iti grupo ket mangiwarwaragawag laeng ti rikna, pungtot, ken gura para iti panagtalek a dinadael ti gobierno gapu kadagiti maanomalya a flood control projects.
Nakatuding a sumango iti arraignment iti sigud nga heneral inton Enero 14 para iti sangsanguen na a kaso.
Posible met a manayunan pay dagiti maarestar nga adda pakainaiganna kadagiti naglabas a rally partikular kadagiti nangisayangkat ti panawagan maikontra iti gobierno.
Palawag ni Acting PNP Chief Police Lieutenant General Jose Melencio Nartatez Jr., nakadepende kadagiti ebidensiya no manayunan pay dagiti personalidad a posible a makasuan. Saan met nga agdudua iti pulisya nga ipatungpal a maitunos ken maibasar kadagiti agdama a linteg no addaan ti umdas a basaran dagiti kaso.
Agtultuloy met a mangisaysayangkat ti imbestigasion iti PNP kabinnuling dagiti dadduma pay a law enforcement agencies maipapan kadagiti insidente nga adda pakainaiganna kadaiti kapada a panawagan a nakadependir met kadagiti dokumento ken impormasion no aggunay iti kaso.
Nupay saan a nakarikna ni Poquiz ti aniaman a legal a panaglabsing iti karbengan-pantao ket ituloy latta ti legal counsel iti panangipila ti kaso kadagiti arresting officer’s ti CIDG Regional Unit NCR, kalpasan a saan a masurot iti rumbeng kuma ket paseten ti Standard Operating Procedure (SOP) kas pulis.
Nakasagana met a sanguen ti unit ken sumungbat iti aniaman nga ipila ti bangir a kampo.###
