Tallo nga aldaw sakbay iti blood letting project iti Bombo Radyo Philippines a napaulwan iti “Dugong Bombo”, nagpalagip ita ti Philippine Red Cross (PRC) – La Union Chapter.
Iti pannakiuman ti Bombo Radyo kenni PRC-La Union Chapter Administrator Almira Abrasado, kinunana a nasken a saan a napuyatan ket nasalun-at dagiti agipaay iti dara inton maangay ti Dugong Bombo.
Ti Dugong Bombo 2017 ket maangay iti intero a pagilyan a pakasarakan kadagiti estasyon ti Bombo Radyo ken Star FM inton Nov. 18, aldaw ti Sabado.
Ditoy La Union, maaramid ti nasao nga aktibidad idiay DMMMSU-MLUC ditoy syudad ti San Fernando.
