Nangideklara ni Presidente Ferdinand Marcos Jr. ti special non-working day kadagiti lima a lugar iti pagilian inton sumaruno a lawas ken inton Pebrero.
Segun ti opisina ni Executive Secretary Ralph Recto, nairuar dagiti nagsisina a proklamasion para kadagiti special non-working day iti maysa a probinsia, dua a siyudad, ken dua nga ili kas maibasar iti abiso idi kalman.
Proclamation 1143
Suspendido iti trabaho idiay Cadiz City, Negros Occidental inton Enero 26 kas panagrambak ti maika-52 nga anibersario ti Dinagsa Festival.
Proclamation 1147
Inton Pebrero 2, marambakan ti maika-208 nga anibersario ti Ilocos Norte kas maysa a non-working day.
Proclamation 1144
Maaddaan ti non-working day idiay Biñan City inton Pebrero 3, kas panagrambak ti maika-81 nga anibersario ti Liberation Day.
Proclamation 1145
Nakatuding met a marambakan iti anibersario ti pannakaipasdek ken ti BOG Festival idiay Buug, Zamboanga Sibugay, isu nga agbalin a non-working day.
Proclamation 1146
Agbalin a non-working day inton Pebrero 28 idiay Sarrat, Ilocos Norte kas paset ti Founding Anniversary.###
