Nagpanawagan ni Presidente Ferdinand Marcos Jr. ti restraint ken de-escalation iti agdama a rinnupak idiay Middle East ken iti dadduma pay a paset ti lubong.
Iti panagbitlana iti UN General Assembly, inpunto ti Presidente a napateg nga isardeng iti gubat ken raemen iti international law, agraman ti United Nations Charter ken humanitarian law.
Impaganetget met ti Presidente a rumbeng nga agsubli iti amin a dasig iti negosasion tapno magun-od iti kappia.
Nabayagen a paset iti Pilipinas iti panangtaginayon iti internasional a kappia ken seguridad. Kas pammaneknek, maysa iti pagilian kadagiti immuna a pagilian a simmungbat iti panawagan ti United Nations a tumulong idi iti Korean war – a mangipakpakita ti natibker a takder ti pagilian a mangitandudo ti kappia iti lubong.
Iti sabali a bangir, immapela isuna iti internasional a komunidad nga itandudoda ti diplomasia, pananglapped ti tension, ken raemen iti internasional a linteg tapno mapasardeng dagiti armado a panaglalaban iti nadumaduma a paset ti lubong.
Maipaspasango iti lubong kadagiti nakaro a karit kas kadagiti gubat iti nadumaduma a rehion, krisis iti natauan, ken kumarkaro nga epekto ti panagbalbaliw ti klima.
Napateg iti panagtitinnulong dagiti pagilian tapno mataginayon ti talna ken kinatalged iti internasional a komunidad.
Nabayagen a kadua iti Pilipinas kadagiti peacekeeping missions ti UN, ken nasurok 15,000 a tropa dagiti Pilipino iti naipatulod kadagiti nadumaduma a paset ti lubong tapno tumulong a mangtaginayon iti talna ken seguridad.
Agtultuloy iti panagtignay ti pagilian kadagiti saritaan mainaig ti climate action, humanitarian assistance, ken human rights kas paset ti responsable a pannakipaset iti international community.###
