LA UNION – Naipaayan ti pammadayaw a Gold Eagle Award iti Police Regional Office One (PRO-1) iti PNP headquarters idiay Camp Crame, Queson City.
Ti nasao a pammadayaw ket inawat a mismo ni P/Chief Supt. Charlo Collado, agdama a Police Regional Director ti rehiyon uno.
Daytoy ket kalpasan a nagun-od ti PRO-1 iti 97.27 % performance iti implementasyon ti PNP P.A.T.R.O.L. Plan 2030 wenno “Peace and Order Agenda for Transformation and Upholding of the Rule of Law.
Ti nasao a programa ti PNP ket maysa nga istratehiya tapno maipatungpal a naimbag ti pulisiya iti pagrebbengan dagitoy iti bukod da nga organisasyon ken iti publiko, partikular iti biang ti panagserbi kadagiti umili, mapadur-as iti crime prevention ken crime solution, ken i-promote iti aktibo a community engagement and partnership.
Iti Gold Eagle Award ket mait-ited kadagiti PNP unit a nakagun-od ti rating a 95 agingga 100% a performance maipapan iti PNP governance system.
