BR LA UNION – Nakatuding nga iproklama ti Commission on Elections (Comelec) dagiti nangabak a party-list organization iti kalkalpas laeng a midterm elections.
Kinuna ni COMELEC chair Geroge Garcia, a nagdesisyon iti National Board of Canvasser nga isayangkat ti proklamasyon agarop alas-3 inton malem ita nga aldaw ti Lunes.
Inlawlawag na nga awan ti mapasamak a “partial proclamation” nudiket sibubukel a listaan dagiti mangabak.
Innayon na pay a mangirwar ti National Board of Canvassers (NBOC) ti resolution iti proclamation dagiti nangabak a party-list groups karaman iti bilang dagiti nakalatang a tugaw para kadakuada.
Adda nakalatang nga 63 seats kadagiti party-list representative ngem kitaen ti COMELEC iti legal remedy seknan iti kiddaw ti sumagmamano a grupo a rumbeng nga adda pay mainayon a maysa.
Imbasar ni Garcia iti bilang ti party-list iti formula nga imbinglay ti Korte Suprema iti 2009 ruling daytoy.
Maibasar iti inisyal a listaan ti National Certificates of Canvass (COC), umun-una iti AKBAYAN, sumaruno ti Duterte Youth, Tingog, 4Ps, ACT-CIS, Ako Bicol, Uswa Ilonggo , Solid North, Trabaho ken CIBAC.
