LA UNION – Agpapaimbagen iti maysa a pribado nga pagagasan iti syudad ti San Fernando ti maysa a pulis kalpasan nga madungpar ti manmanehuen na a motorsiklo iti kalsada a sakopen ti Barangay Imelda idiay ili ti Naguilian, La Union.
Nabigbig iti biktima a ni Police Senior Master Sarget Benjamin Costales, 45, miembro ti Naguilian PNP, ken residente ti Barangay Lioac Norte idinto nga ti respondent driver ket nabigbig a ni Eric Rimando, 36, baro, residente ti Barangay Gusing Norte iti nadakamat nga ili.
Iti nakalap a report ti Bombo Radyo La Union manipud iti La Union Police Provincial Office (LUPPO), daldalyasaten iti motorsiklo ti biktima iti kalsada nga agturong ti laud nga direksyon idi apag-isu a bimmallasiw ti motorsiklo ni Costales a makagapu ti pannakadungpar na iti motorsiklo ti biktima.
Gapu iti insidente, nagsagaba ti sugat iti nadumaduma nga paset iti bagi na ti biktima.
Immunan a naglibas ni Costales ngem boluntaryo met laeng a simmuko no sadino naamuan a positibo daytoy iti nasanger a mainom.
