Saan nga kunsintiren ti kapulisan iti inaramid ti pada da a pulis a nangpapatay iti ag-ina idiay Paniqui, Tarlac.
Daytoy iti nagbalin a sungbat ni PLt. Col. Noriel Bautista Rombaoa, Chief of Police ti Paniqui Police Station iti pannakiuman ti Bombo Radyo La Union kenkuana.
Segun kenni Col. Rombaoa, makapasakit iti rikna ti inarami ni Police Master Seargent Jonel Nuezca no sadino nairaman dagiti pulis nga awan iti basol na.
Kabayatan na, impanamnama daytoy nga agbalin a patas iti imbestigasyonda ken awan iti mapasamak a white wash iti kaso.
Maipalagip, tinurong ni Nuezca iti balay dagiti biktima nga isuda Sonya Gregorio, 52 ken Frank Anthony Gregorio, 25, gapu iti panagpaputok ti boga iti naud-udi.
Numan adda dagiti nangatipa kadakuada ngem saan daytoy a nagbalin a nalaka no sadino uray iti sigud dagitoy a susik maipapan iti daga ket naugak ken ditoy a napasamak iti nakaam-ames nga pammaltog.
