LA UNION – Madama pay laeng ti panangisayangkat iti imebstigasyon ti pulisya maipapan iti napasamak a panagtakawan iti uneg ti houseware store idiay Barangay IV, syudad ti San Fernando, La Union.
Kinuna ni C/Ins. Silverio Ordinado, spokesperson ti La Union Police Provincial Office (LUPPO), madama nga ad-adalen iti San Fernando City Police dagiti nakalapda a CCTV footages mangipud iti aglawlaw ti nasao a pasdek.
Maipalagip, naduktalan dagiti empleyado ti nasao a houseware store a mapukpukaw iti P25,000 cash a nakadulin iti maysa a volt.
Maipagarup a dinadael ti agtatakaw ti ruangan nga adda iti likudan a paset ti pasdek nga isu ti nagpaay a dalaan tapno maala ti nasao a kantidad iti kwarta. (Abs Flores)
