LA UNION – Dead on arrival idiay La Union Medical Center ti maysa a Punong Barangay kalpasan daytoy a pinaltogan iti saan pay nga ammo a suspek idiay Barangay Pangao-aoan West, idiay ili ti Aringay, La Union.
Nabigbig ti biktima a ni Punong Barangay Lourdes Parotina, 66, addan asawa ken residente iti nadakamat a lugar.
Iti insayangkat nga imbestigasyon ti Aringay Police, madama nga agbubuya iti telebisyon ti bikitma idi pinaltogan isuna ti suspek nga nakasuot ti bonete.
Saan pay nga ammo ti motibo iti napasamak a pammapatay.
Kabayatan na, mangisaysayangkat metten ti drugnet operation iti kapulisan tapno maamuan iti pakabigbiggan ti suspek.
