Agtultuloy pay laeng ti panangduktal ti Balaoan Police Station iti puon ken gapu ti napasamak a panagdinnungpar ti dua a motorsiklo iti kawatiwatan ti Balaoan-Santol a sakopen ti Barangay Butubut Oeste, Balaoan, La Union itay nabiit.
Daytoy ti naamuan babaen ti exclusive interview ti Bombo Radyo La Union ken Police Major Cricencio Abila Jr, Chief of Police ti ili a Balaoan.
Segun kenni Major Abila, addan ti nakita da a CCTV a nakamuntar asideg ti nakapasamakan ti aksidente ngem awan pay ti operator daytoy.
Kinuna pay ni Major Abila a no maibasar iti panangkitada ti lokasyon dagiti dua a behikulo ket posible nga adda ti panag overtake ti maysa ken maysa dagiti involve a driver.
Mainaeg iti insidente ket nagpalagip ni Major Abila kadagiti motorista a liklikkan ti ag-drive no nakainom. Saanen nga agilugan kadagiti ubbing ken ugalyen ti agsuot ti helmet.
Innayon na pay nga iyemplementarda itan idiay ili ti Balaoan ti strick use of helmet tapno maliklikkan dagiti kapada nga insidente.
Maipalagip, dead on arrival iti Balaoan District Hospital ti menor de edad a ni Kyla Fable, 4 anyos, residente ti Barangay Nalvo Norte, idiay ili ti Luna kalpasan a nagdinnungpar ti dua a motorsiklo.
Ti pangamaen ti biktima a ni Joseph Flores, ti driver ti motorsiklo a nakadinnungpar motorsiklo ni Daniel Javier, 31 anyos, addaan asawa, corn technician, ken residente ti Barangay Bigbiga, Sudipen, La Union.
Agawid kuman idi da Flores ken ti pimmusay a menor de edad idiay Nalvo Norte manipud idiay Barangay Pagliddegan, Balaoan, La Union.
