LA UNION – Naka-blue alert status ita ti Regional Disaster Risk Reduction and Management Council (RDRRMC) Region One maysa nga aldaw sakbay iti All Saints Day ken All Souls Day, inton November 1 ken 2 .
Segun kenni Office of the Civil Defense (OCD) Region One Information Officer Mike Sabado, nagtataripnong dagiti miyembro ti konseho idi malem kalman tapno plantsaen dagiti ipatungpal da nga addang para iti masungad nga UNDAS.
Segun kenni Sabado, malaksid iti sementeryo, nakatutok pay dagiti member-agencies iti pas-pasamak kadagiti naduma-duma a tourist destinations iti intero a rehiyon.
Namnamaen a dopodop manen dagiti bakasyunista ken turista nga agturong iti Ilocos Region, tunggal madanon ti todos los santos, kas maysa kadagiti kadackelan nga event iti tunggal tawen.
Segun kenni Sabado, naki-koordinar da metten iti dadduma pay a force multipliers tapno bantayan iti masakopan dagitoy a lugar, kangrunaan na iti kabaybayan, tapno maliklikan dagiti insidente ti pannakalmes.
Kinuna na pay a kalpasan ti taripnong da idi malem kalman, nangipaulog a dagus ti OCD iti memorandum a mangi-giya kadagiti lokal a konseho iti tunggal ili iti intero a rehiyon uno.
