Naidataganen iti kaso a reckless imprudence resulting in homicide ti respondent driver nga nakadungpar iti maysa a 76-anyos a lola idi malem kalman a nagresultaan iti pannakatay iti biktima a ni Susana Sersenia residente iti Brgy. Gana, Caba, La Union.
Daytoy ti kinumpirma mismo ni PMaj. Crispin Simon, hepe iti Caba Police Station.
Naamuan iti Bombo Radyo nga awan ti lisensya na ti respondent driver numan pay nakasuot daytoy ti helmet idi napasamak ti insidente.
Immunan a kinuna ti pamilya Sersenia a desidido dagitoy a mangidatag iti kaso.
Iti agdama ket agtaltalinaed iti kustodiya iti Caba Police Station ti respondent driver.
Maipalagip, saldalyasaten ti motorsiklo ti abagatan a direksyon iti innerlane iti kalsada idi maipagarup nga immagaw ti linya ti respondent driver a ni Henry Sarmiento, 23-anyos, single ken residente iti Brgy. San Nicolas West, Agoo, iti kannawan a paset iti kalsada kasaruno ti pannakadungpar na ti biktima.
Naitaray pay iti Caba District Hospital ti biktima ngem naideklara daytoy a dead on arrival babaen iti doktor idinto a positibo a nakainom iti arak ti suspek.
