Impaganetget ni Representative Leandro Leviste nga iruar na iti ebidensya dagiti maipagarop a kickbacks dagiti proyekto ti Department of Public Works and Highways iti umno a panawen, iti laksid ti panagbiahe na iti sabali a pagilian maitunos kiddaw ti inana a ni Senadora Loren Legarda.
Segun kenni Leviste, nabalakadan isuna a saan pay a mangiruar ti ebidensya gapu ta saan pay a nagsarita dagiti dadduma a mangpaneknek iti alegasion.
Malaksid ditoy ket adda ti nakasagana a video ken dokumento tapno masigurado a rumuar ti pudno uray anya pay oti mapasamak kenkuana.
Innayon na nga iti kanito a mairuar daytoy ket maawatan ti publiko no apay ta agtultuloy da nga at-atakaren isuna.
Dinakamat na pay nga iti ebidensya ket adda pakainaiganna kadagiti maanomalya a proyekto ti ahensia a sigud nga iggem ni former DPWH Secretary Maria Catalina Cabral, ken adda pakainaiganna iti maipagarup a pre-assigned projects kadagiti sumagmamano a mammanday-linteg ken kontraktor sakbay pay a pagdebatean iti budget ti Kongreso.
Nagpanawagan isuna iti publiko a suportaran dagiti agdama ken sigud nga opisial ti DPWH nga adda pakainaiganna iti kickbacks tapno agbalin a whistleblowers, ken impasigurado nga awan ti dadduma a saksi iti mapatalna wenno madangran iti proseso.###
