LA UNION – Kinanselar ti Partas Bus Terminal partikular ditoy syudad ti San Fernando iti reservation, nangrugi pay idi Oktubre 28 ken agpatingga inton Nobyembre 6, 2017.
Daytoy iti naamwan ti Bombo Radyo La Union kenni Mr. Francisco Dosono, station manager iti Partas Bus San Fernando City, La Union.
Kinuna na a ti maipat-patungpal ita ket First Come First Serve basis tapno maakomodar dagiti pasaheros nga agturong iti terminal.
Malaksid dayta, siniguro pay ni Dosono iti kinatalged dagiti pasaheros ken dua iti nadutukan a driver iti maysa a bus nu atiddog ti biyahe.
Innayon pay ni Dosono nga umdas iti bus da nga agbiyahe tapno itulod dagiti adu a bakasyunista nga agawid kadagiti probinsiya para iti pananglagip ti UNDAS ken inton agsubli dagitoy iti bukod da a destinasyon.
