Nagbenepisyar dagiti residente ti segunda distrito ti La Union manipud ti nabiit pay nga inyuswat nga Ako Bicol Partylist Medical and Dental Mission idi Pebrero 7, 2025, sadiay La Union Medical Center.
Dagiti benepisyaryo nga kaadwan ket manipud kadagiti nagduduma a barangay ti distrito ket nakaawat iti libre a konsultasyon medikal, agas, laboratory tests, ken diagnostic procedures kasta met a dagiti babaydan da ket binaklayen iti programa.
Ti Partylist ket nakibinnulig iti Provincial Government of La Union tapno masiguro a naballigi iti programa.
Impaganetget ni Ako Bicol Congressman Zaldy Co nga inrepresentar ni Chief of Staff Paulo Espiritu iti tariggay ti partido a maipaayan dagiti Pilipino a marigatan iti gastos nga agpakonsulta kadagiti medical professionals ken umiso nga serbisyo salun-at.
Impeksa met ni Governor Raphaelle Veronica “Rafy” Ortega-David ti suporta na para iti inisyatiba.
Kinunana a sangailien ti Provincial Government ti amin a tarigagay a makaipaay ti medical assistance, laksid ti nagdumaan ti partido gapo iti kangrunaan a panggep a makaserbisyo iti umili ti La Union ken masiguro iti kinatalged ti amin.
Agtaltalinaed iti commitment ti PGLU para iti panangitandudo ti P.U.S.O. AGENDA ni Gov. Rafy partikular ti panangipasigurado iti Universal Access to Basic Needs, agraman ti quality healthcare services.
Babaen ti napigsa nga koordinasyon ken nagbinnulig nga aksyon, agtultuloy ti PGLU ti panangiyuswat kadagiti programa ken inisyatiba tapno maital-o ti salun-at ken pagsyaatan dagiti residente.
