LA UNION – Isagsaganan ti pulisya iti kaso kontra iti maysa a retirado a kameng iti Philippine Navygapu iti maipagarup a panangikot daytoy iti paltog ken panangriribokna iti sigud a live-in idiay Barangay Poblacion, ili ti Aringay, La Union.
Nabigbig ti suspek a ni Vito Balangue, 69, residente ti Barangay Sta. Lucia iti nasao nga ili.
Naammuan ti Bombo Radyo manipud iti Aringay Police Station, maipagarup a naturong dagiti suspek idiay balay ti sigudna a kadindinna ken nagpagungga pay daytoy nga addaan ti ikot a cal .45 paltog.
Dagus met nga inaresto dagiti pulis ti sigud a suldado ken kinumpiskar da ti igam daytoy.
