BR LA UNION – Nangrugi ti rock-netting ken slope protection project iti napalabas nga administrasyon Duterte.
Daytoy iti inbutaktak ni sigud a Department of Public Works and Highways (DPWH) Secretary Manuel Bonoan iti panagdengngeg ti House Infra Committee a mangim-imbestigar kadagiti naanomalya nga infrastructure projects partikular iti flood control project.
Imbaga daytoy ni Bonoan kabayatan ti interpelasyon ni Deputy Speaker ken Iloilo Representative Janette Garin seknan iti naanomalya a flood ken slope protection project idiay Benguet a binisita itay nabiit ni President Ferdinand Marcos Jr.
Kinuna ni Garin, a makita ti panagunget ti Presidente iti nadiskubre na a rock-netting project.
Segun kenni Bonoan nangiruar ti direktiba nga isardeng iti implementasyon ti rock netting project.
Impaganetget na a naipatungpal ti nasao a proyekto idi 2023 iti sidong ti sigud nga administrasyon Duterte.
Gaputi dayta, imbilin ni Garin iti DPWH nga agsumite ti report seknan iti balor ti proyekto, lokasyon dagitoy ken anya itan ti status dagiti nasao a proyekto.
