“Good luck!”
Daitoy ti sungbat ti Palasyo ti Malakanyang iti impila a ‘President Rodrigo Duterte Act’ ni Senator Imee Marcos.
Segun kenni Palace Press Officer Undersecretary Claire Castro, paset ti trabaho dagiti senador a mangaramid ti linteg a mapagnumuran dagiti Pilipino ken pagsayaatan ti Pilipinas a saan laeng a para ti bukod nga interes.
Sakbay iti panangipila ti singasing ket nangisayangkat pay ti senate inquiry iti Senadora iti pannakaarestar ken turnover ni sigud a presidente Rodrigo Duterte idiay International Criminal Court.
Maibasar met iti explanatory note ti singasing ket panggep na a gibusen dagiti kaso ti extraordinary rendition wenno pwersahan a turn over dagiti akusado kadagiti gangganaet a korte, kas iti napasamak iti sigud a presidente. Nakailanad pay a siasinoman nga aglabsing ket mabalin a maibalud ti agingga 20 a tawen.
