BR LA UNION – Pinunas ti Phivolcs iti panagdanag ti publiko iti posible a tsunami kalpasan iti panagdayyeg ti magnitude 8.0 a gingined idiay Russia.
Naamwan a nailista daytoy itay alas-7:25 ti agsapa iti daya a paset ti kabaybayan ti Kamchatka.
Aguneg daytoy ti 74 a kilometro ken tectonic in origin.
Segun iti Phivolcs, agtultuloy ti panang-monitor da iti sitwasyon nupay awan ti inisyal a pangta ti dadakkel a dalluyon iti kabaybayan ti Pilipinas.
Nupay kasta, iti sabali a datus ti US Geological Survey (USGS), adda iti 0.3 agingga 1 metro a dalluyon iti posible a dumanon ditoy Pilipinas, kasaruno ti napigsa a gingined idiay Russia.
