Kinondenar ti Russia ti inaramid a panagkumpiskar ti Estados Unidos iti Bella 1 oil tanker da.
Segun ti Russian foreign ministry, nasken a mapasubli iti pagilian da dagiti crew ti nasao a barko.
Nangipila metten ti Russia ti diplomatic protest kadaitoy nga inaramid ti Estados Unidos ken kiniddaw a matratar a nasayaat dagiti tripulante.
Karaman ti nadakamat a barko iti sanctioned ship ti US gapo iti panaglayag na iti kabaybayan ti Venezuela.
Malaksid ti oil tanker ti Russia ket kinumpiskar pay ti US ti oil tanker manipud mismo Venezuela.
