Kinedkedan da napatakyas a Venezuelan President Nicolas Maduro ken asawa na a ni Cilia Flores dagiti baro a kaso a naisampa kontra kenkuada idiay Estados Unidos mainaig ti maipagarop a sabwatan tapnu parigatan dagiti kalaban iti politika.
Segun kadagiti tagausig, maipagarop a binilinan ni Maduro dagiti opisyal ti Venezuela a parigatan dagiti pulitiko ti oposisyon ken dagiti kameng ti militar a mapagduduaan a kumonkontra iti panangidadaulo na.
Saan met isuda a direkta nga inakusaran ti personal a panangisayangkat ti torture.
Immunan a kinedkedan ti agasawa dagiti kaso a mainaig ti maipagarop a panagusar ti bileg tapnu tulungan dagiti drug trafficker iti panagpuslit ti cocaine.
Naarestar isuda Maduro ken Flores ti US military idiay Caracas idi Enero 3 ken naiyakar idiay New York tapnu sangwen dagiti kaso a kriminal.
Gapu kadagiti baro nga alegasion, intuding ti korte inton Hunyo 14, 2027 iti panangrugi ti panaglitis.
Nu mapaneknekan a naglabsing kadagiti amin a kaso, mabalin da a masentensiaan ti minimum a 50 a tawen ti pannakabalud.
