Saan a bumaba ti 1,450 iti bilang dagiti pimmusay kalpasan iti napigsa ken nagsaruno a ginggined a timmama idiay Venezuela idi napalabas a lawas.
Agtultuloy iti search and rescue operations kadagiti siyudad ti La Guaira ken Caracas. Saan nga agsarsardeng a kalkalyen dagiti rescue teams dagiti narpuog a pasdek iti maikapat nga aldaw ti operasion.
Manamnama a ngumato pay iti bilang dagiti natay bayat nga agtultuloy iti panangbirok kadagiti mapukpukaw.
Mangnamnama met dagiti otoridad iti panagsangpet ti ad-ado pay nga international aid ken foreign rescue teams a makatulong iti panangpapigsa ti emergency response ken panagsungbat iti dagos nga humanitarian aid kadagiti apektado a komunidad.
Laksid ti nakaro a perdision, nangipaay ti namnama iti balligi a panangisalakan iti maysa a maladaga ken maysa a babai a nasurok tallo nga aldawen a naipit iti uneg dagiti debris.
Kabayatanna, inwaragawag ni Acting President Delcy Rodríguez iti panangbukel ti maysa a komision a mangisayangkat ti nainget a panagsukimat iti kinalawa ti perdision nga ingubuay ti ginggined.
Segun kadagiti opisial, ad-adda pay a pinakaro ti didigra iti nabayagen a sangsangwen a krisis iti ekonomiya ken pulitika ti Venezuela, karaman iti nakaro a panagdagsen iti sistema ti pagkasapulan pangsalun-at.###
