BR LA UNION – Inakusaran ti Denmark iti Russian warship a nagpatayab iti dua nga emergency flares iti helicopter dagitoy.
Napasamak ti insidente bayat a sar-sarunwen ti helicopter iti barko ti Russia idiay Baltic Sea.
Gaputi insidente a napasamak kabayatan ti “routine” monitoring operation ket pinaayaban ti Danish government iti Russian ambassador.
Imbaga met ni Prime Minister Mette Frederiksen a ti nasao nga inaramid ti Russia ket maka-alarma ken panggep daytoy a mangbut-buteng ken mangpataud ti susik.
Siniguro met ti Russia nga imbestigaran da iti insidente.
