BR LA UNION – Pinirmaan ni US President Donald Trump kas naan-anay a linteg ti sweeping sanctions package kontra Russia ken Iran nga impasa ti Kongreso babaen ti naisangsangayan a suporta ti dua a partido.
Napanaganan daytoy iti “Lindsey O Graham Sanctioning Russia and Iran Act of 2026,” a target ti linteg ni Russian President Vladimir Putin, dagiti nangangato nga opisyal, oligarko, kasta metten iti sektor ti enerhiya ken depensa ti Moscow.
Maysa a napateg a probisyon daytoy iti panangipaay ti bileg kenni Trump a mangipataw ti agingga 100 a porsyento a taripa iti lima a kadakkelan nga aggat-gatang ti langis ken gas iti Russia, partikular iti China ken India.
Naipasa ti linteg tapno makissayan iti pondo ti Kremlin para iti giyera na idiay Ukraine ken maallokoy ni Putin a makipagnegosasyon iti sidong ti maximum pressure.
Nupay inawagan daytoy ni Ukrainian President Volodymyr Zelenskyy a maysa a nabileg nga alikamen, nagballaag met ni House Minority Leader Hakeem Jeffries a mabalin a mangigubway ti panagngato ti presyo dagiti magat-gatang para kadagiti pamilya nga Amerikano dagiti probisyon iti taripa.
