Tinagibassit laeng ti Russia iti nagbalin a pangta ni US President Donald Trump a rumbeng nga agsungbat da iti ceasefire deal iti Ukraine.
Segun kenni Trump, rumbeng nga agingana 10 nga aldaw ket umanugoten iti Russia iti idurduron ti Estados Unidos a ceasefire.
Iti nasao a pangta ket ababa manipud iti sigud a 50 nga aldaw a pawayway da iti Russia ken no saan da nga umanugot ket mapatawan da ti nadagsen a taripa.
Impaganetget ti Russia nga agingana saan a masursurot iti kondisyonda ket saan da a simungbat iti nasao a deadline a dinakamat ni Trump.
Maipalagip a mano a darasen a naaddaan ti panagsarita dagiti dua a dasig ngem kanayun a mapapaay iti panakabukel ti katulagan partikular iti tigil-putukan wenno ceasefire.#
