Pimmusayen ti Russian ballet star a ni Vladimir Shklyarov iti tawen a 39.
Segun iti Saint Petersburg company, natinnag daitoy manipud iti maika-lima a kadsaaran ti Saint Petersburg building bayat a nakainom daitoy iti painkiller.
Gapo iti daitoy ket nangisayangkat ti nanuneg nga imbestigasyon dagiti otoridad mainaig iti pannakatay ni Shklyarov.
Iti sabali a bangir, naikasar ni Vladimir ti pada na a ballet dancer a ni Maria Shklyarov ken napagasatan da iti dua nga annak.
Naipasngay isuna sadiay Leningrad ken nagiskwela idiay Vaganova Academy of Russian Ballet, nu sadino, ditoy isuna a nagturpos ken nagbalin a nalatak iti 2003.
Nagperform isuna kadagiti nagduduma a pagilian kas iti Metropolitan Opera idiay New York ken iti Royal Opera House sadiay London.
Nakaawat pay isuna iti pammadayaw a Léonide Massine International Prize idi tawen 2008.
