Pinasingkedan dagiti otoridad ti Russia a natay ti maysa a senior general da babaen ti car bombing a napasamak idiay Moscow.
Daitoy ti kabaroan a Russian military commander wenno pro-Kremlin figure a ni General Yaroslav Moskalik a mapapati a tinarget dagiti Ukrainians iti uneg ti pagilian da.
Segun kenni Russian Investigations Committee spokeswoman Svetlana Petrenko, bimtak ti maysa a Volkswagen Golf kalpasan a tamaan ti improvised explosive device a naglaon kadagiti pellets.
Napasamak ti panagraut bayat nga agturong ti special envoy ni US President Donald Trump a ni Steve Witkoff sadiay central Moscow ken nakatuding a makitaripnong kenni Russian President Vladimir Putin para ti peace talks.
Sakbay ti insidente ket kinuna ni Russian Foreign Minister Sergey Lavrov a nakasagana ti Russia a maaddaan ti katulagan tapno gibusenen ti gyera kontra Ukraine nupay adu nga elemento ti saritaan ti kasapulan pay a marepaso.
Iti biang met ti Ukraine, imbatad ni Kyiv mayor Vitali Klitschko a posible a maited ti parte ti teritorio da kas paset iti mabukbukel a peace deal.
