Natay ni Fanil Sarvarov, maysa a Russian Lieutenant General a mangidadaul ti operational training department ti armed forces kalpasan a bimtak iti maysa a bomba a naikabil iti sirok ti luganna idiay Moscow.
Segun ti Russia’s Investigative Committee, adda pakainaiganna daytoy iti pannakibiang ti Ukrainian intelligence maibasar iti imbestigasion, ngem awan pay ti opisial a waragawag manipud iti nasao a pagilian.
Nadadael iti aruangan ti maris puraw a lugan iti uneg ti maysa a parking lot asideg iti apartment block iti lugar.
Segun ti Kremlin, dagus met a naipakaammu kenni ussian President Vladimir Putin iti pannakatay ni Sarvarov.
Naipila metten dagiti otoridad iti kaso a murder ken illegal trafficking dagiti pampabettak.
Mabigbigbig ni Sarvarov iti combat operations kabayatan ti Ossetian-Ingush conflict ken Chechen wars idi 1990s wenno early 2000s. Maysa met isuna kadagiti nangidaulo iti operasion idiay Syria idi 2015-2016.
Sipud idi rinugian ti Russia iti full-scale invasion idiay Ukraine idi Pebrero 2022, sumagmamanon nga opisial iti nagbalin a target ti car bomb idiay Moscow.#
