LA UNION – Awan ti i-diskwalipika ti Commission on Elections (Comelec) nga aspirant iti anyaman a posisyon para iti 2025 national and local elections, gapu laeng iti kaawan ti kuwarta na wenno pondo nga usaren iti panag-kampanya.
Daytoy ti commitment ti Commission on Elections, segun kenni Comelec chairperson George Garcia, iti maikadwa nga aldaw ti filing ti certificates of candidacy (COC) idi kalman Miyerkules, Oktubre 2.
Kinuna na pay a nakailanad iti ruling ti Korte Suprema, a saan a mabalin nga ideklara ti poll body a nuisance candidate iti maysa nga aspirant, nu iti rason ket saan nga am-ammo wenno saan a nalatak ken awanan ti financial capacity a mangisayangkat ti kampanya.
Nupay kasta, inlawlawag ni Comelec spokesperson Atty. John Rex Laudiangco, nga arositen da a naimbag dagiti mangidatag ti kandidatura, nu anya ti actuation wenno naka-allokoy kadakuada tapno tumaray iti dayta a posisyon, ken nu maawatan da met laeng ti makagapo iti panagkandidato dagitoy.
