LA UNION – Nakatuding a maidatagan ti kaso a qualified theft iti maysa a sales lady a maipagarop a nangitaray iti alahas ken kuwarta iti maysa a negosyante idiay Agoo, La Union.
Dimmatag iti cuerpo ti pulisiya iti managan Fe Dumo, addaan ti umno nga edad, store owner, ken residente ti Barangay San Nicolas Central, Agoo, La Union tapno ireklamo iti saan metten a nainaganan a saleslady a maipagarop a nangitaray iti maysa a gray pouch a naglaun iti naduma-duma a klase ti alahas nga agbalor amin ti P80-k ken kuwarta nga usaren na iti negosyo nga umabot ti P15,000
Nadiskubre ni Dumo iti nasao nga insidente idi Oktubre 28, 2017 idi a pina-ayaban na iti suspek a mapan agdalus iti pagtaengan da.
Base iti salasay ti complainant kadagiti otoridad, simrek ti suspek iti silid na nga awanan ti pammalubos daytoy.
Malaksid dayta, naamwan nga adda iti maipagarop nga utang ti suspek kenni Dumo nga umabot ti P4,800
