LA UNION – Nagsapatan kas baro a mayor ti San Fernando City, La Union ni Mayor Alf Ortega kasukat ni dismissed Mayor Hermenegildo “Dong” Gualberto.
Mismo a ni La Union Governor Francisco Emanuel “Pacoy” Ortega III iti nagsapataan ni Mayor Alf kagiddan ni counsilor Chary Nisce kas baro a Vice Mayor ditoy probinsya.
Ti pannakadurok iti posisyon iti dua nga opisyal ket kasaruno iti panangiserbi ti dismissal order kenni dismissed Mayor Gualberto ti Department of Interior & Local Government (DILG).
Segun kenni Lili-an Colisao, legal officer ti DILG Regional Office 1, awan idi ni Gualberto idi iserbi da ti dismissed order, nupay kasta ket mabalin daytoy nga ipatungpal agsipudta adda iti immwat daytoy manipud iti opisina na.
Maipalagip, ti dismissal order ket impaulog ti Office of the Ombudsman kontra kenni Gualberto babaen iti 47 Barangay Chairman mainaeg iti panangusar ti 20% City Development Fund nga kadagiti Barangay ngem naiturong iti pannakapapintas ti ciudad.
