LA UNION – Very alarming a ti syudad ti San Fernando ket consistent No.2 iti intero a Region One, nu maipapan iti kaadwan a vehicular traffic incident, manipud tawen 2015 agingga iti agdama, maibasar iti statistics nga iggem ti PNP.

Daytoy ti kinuna iti Bombo Radyo La Union bayat iti eksklusibo nga interview kenni Pol. Supt. John Guiagui, agdama a hepe ti San Fernando City PNP.

Gaputi nasao a report, nangisayangkat ti pulisiya iti Road Safety Summit idi kalman nga inatendaran dagiti amin nga stakeholders, kas iti LTO, DPWH, motorcycle group, tricycle operators association, jeepney association, buses association, lokal nga opisyal, agraman dagiti barangay officials a mangsak-sakop iti national highway.

Segun kenni Col. John Guiagui a very fruitful iti naaramid a Road Safety Summit agsipudta nadetermina dagiti problema iti kalsada, makagapo kadagiti aksidente, ken dagiti posible a solusyon tapno makissayan ken maliklikan dagiti aksidente iti kalsada.

Mangnamnama iti opisyal nga iti kabiitan a panawen ket maiyemplementar dagiti napagsasaritaan nga addang a mangsolbar dagiti problema iti kalsada.

Dagiti kangrunaan kunana nga involved iti aksidente ket dagiti dagiti motorsiklo, traysikel, van, buses, ken SUV.

Impaganetget pay ni Col. Guiagui a ti kangrunaan a makagapo dagiti aksidente iti kalsada ket umuna – human error; maikadwa – nakainom iti driver ( under the influence of liquor); ken maikatlo – lack of signages.

Dagiti met napagnunumwan a solusyon ket pakaibilangan iti panangimuntar iti kanayunan a signages iti kalsada ngem kasapolan nga ammo dagiti driver a basaen iti kaipapanan dagiti signages, panang-identify iti loading ken unloading zones, panangusar dagiti traysikel iti outer most lane, ken dadduma pay.

Impaganetget pay ni Col. Guiagui a maki-koordinar da iti Department of Trade and Industry (DTI) tapno mangisayangkat da ti inspection kadagiti pagtagilakwan nga agilaklako iti substandard a helmet.

Segun kenni Guiagui, addan iti uppat nga indibidual a natay ken nasurok 100 iti nagsagaba iti physical injuries and damage to property manipud bulan ti Enero 2018 agingga iti agdama, iti intero a syudad.

Umun-una nga addaan ti kaadwan nga bilang iti vehicular traffic accident ket idiay Laoag City, Ilocos Norte.