Adda itan ti baro a hepe ti San Fernando City PNP.
Iti pannakiuman kenni Officer In Charge PCI John Giagi, maragsakan isuna nga adda ditoy probinsya ken nakasaganan nga agserbi kadagiti umili.
Kinuna na a daytoy ti umuna a gundaway nga agserbi isuna iti probinsya no sadino sipud nagturpos isuna iti Philippine National Police Academy (PNPA) idi 2001 ket nagserbi daytoy idiay Metro Manila iti naunday a panawen malaksid pay iti United Nation.
Malaksid iti dayta, kayat na met na ipatungpal ti HUBOG wenno hitsura, ugali, bihis, oras, ken galing a paset ti programa na idiay Metro Manila.
Nainget met ti pammilin na a dagiti pulis ti mangipangato ti flag kadagiti pagadalan iti kada aldaw ti Lunes.
Ni Giagi ket tubo ti Sagada, Mt. Province ngem agnanaed daytoy iti ciudad ti Baguio.
