LA UNION – Nagun-od ti San Fernando City Police Station ti top 1 iti rimmuar a performance evaluation rating kadagiti hepe ti pulisya iti Region 1.
Iti pannakiuman ti Bombo Radyo kenni PSUPT. Mary Cristal Peralta, chief public information officer ti Police Regional Office 1, nakailista ti 77.90% ti San Fernando City PNP para iti City category.
Simmaruto ditoy ti San Juan Municipal Police Station nga nakailista ti 34.62% ken top 1 ti Rosario Municipal Police Station para iti Class C.
Kabayatan na, idiay probinsya ti Pangasinan top 1 pra iti Class A ti Bayambang Municipal Police Station nga nakailista ti 69.08%.
Segun kenni Peralta, naibasr ti resulta iti performance evaluation dagiti Police Station kadagiti operationda nga adda pakainaegan na iti illigal nga droga, illigal fishing, gambling operation ken pannakarestar kadagiti wanted person ken dadduma pay idi bulan ti Hulyo para iti municipal category.
Malaksid iti probinsya ti La Union ken Pangsinan, top 1 met para iti Class C ti Santiago Police Station idiay Ilocos Sur nga nakailista ti 45.63%; ken San Nicolas Police Station idiay Ilocos Norte, 34.12%.
Maipalagip, dumanon iti 19 hepe nga ti pulisya ti naikkat iti puwesto ken naiturong iti checkpoint operation gapu ti poor performance dagitoy iti sapasap nga Region 1.
