Binilinan ti Sandiganbayan iti Bureau of Jail Management and Penology (BJMP) nga ipreserba ti amin a CCTV footage ken digital records iti kwarto a nakaibaludan ni sigud nga House Speaker Martin Romualdez, kalpasan ti kontrobersia mainaig iti mapapati a panagserrek ken panagruarna iti selda nga awan ti bilin ti korte.
Karaman kadagiti safeguards ket dagiti CCTV recordings, real-time logs, ken dadduma pay nga electronic records a mainaig iti kasta nga isyu.
Ita nga aldaw ti Nobiembre 5, nagparang da Quezon City Male Dormitory Jail Warden Superintendent Maria Lourdes Pacion ken Jail Chief Inspector Henry Fabro iti Sandiganbayan Third Division tapno sungbatanda dagiti saludsod dagiti hurado mainaig iti kontrobersia.
Naayaban dagiti dua nga opisial kalpasan ti alegasion a ni Romualdez ket maipan ken mairuar iti pagbaludan babaen ti ambulansia, nga inlibak ti BJMP.
Agtaltalinaed a nakabalud ni Romualdez iti Quezon City mainaig iti plunder ken graft charges a nagtaud iti mapapati nga anomalya kadagiti flood control projects.
