Naharang ti Saudi Arabia Ministry of Defense dagiti uppat a ballistic missiles a nang-target kadagiti pasilidad da idiay Riyadh.
Naballaagan dagiti residente nga agtalinaed iti uneg ti pagtaengan da gapo kadagiti debris ken nu mabalbalin ket liklikan a piduten dagitoy.
Impannakkel met ti Israel Defense Forces (IDF) a dumanon ti 200 targets ti natirwan da idiay Iran usar dagiti fighter jets iti lumaud ken sentro ti pagilian.
Karaman kadagiti natirwan ket ti pasilidad dagiti ballistic missiles, air defense systems, missile launchers, ken pagaramidan ti armas.
Impasiguro ti Israel nga agtultuloy ti panagraut da agingga a maibus ti bileg ti Iran iti puersa armada da.
