BR LA UNION – Idalan iti science based facts ti panang-aprubar dagiti flood control projects.
Kayatna sawen, maipasidong iti nainget a panagamiris dagiti proyekto.
Daytoy ti siniguro ni House Appropriations panel chair ken Nueva Ecija Rep. Mikaela Suansing iti budget briefing ti ahensiya ita nga aldaw.
Nangiplastar ni Suansing iti parameters nga agserbi a giya iti panang-aprubar dagiti flood control projects.
Impaganetget ni Suansing a rumbeng nga adda nalawag a feasibility study ken naka base daytoy iti science and facts iti panang-aprubar ti proyekto.
Ilunglungalong ni Suansing nga aramiden a basaran iti panangdetermina dagiti proyekto iti project Noah kas kangrunaan a determinant tapno maamwan dagiti lugar a kabilang iti red zones.
Inallokoy pay ni Suansing dagiti pada na a mammanday linteg a tutukan dagiti ipat-patungpal a reporma iti DPWH tapno masiguro iti accountability ken responsiveness tapno mapagsungbat dagiti opisyal a karaman iti anomalya.
